Իրանի գերագույն առաջնորդ այաթոլլահ Ալի Խամենեիի խորհրդական Ալի Լարիջանին հուլիսի 20-ին Մոսկվայում Ռուսաստանի նախագահ Վլադիմիր Պուտինի հետ հանդիպման ժամանակ Ռուսաստանի առաջնորդին է փոխանցել Իրանի նախագահ Մասուդ Փեզեշքիանի ուղերձը։ Ինչպես նշել է Իսլամական Հանրապետության արտաքին գործերի նախարարության պաշտոնական ներկայացուցիչ Էսմայիլ Բաղային, բանակցությունները կառուցողական են եղել։
«Ալի Լարիջանին, որպես նախագահի հատուկ դեսպանորդ, փոխանցեց ուղերձը և բացատրեց Իրանի Իսլամական Հանրապետության տեսակետները տարածաշրջանային զարգացման, միջազգային հարցերի և երկկողմ հարաբերությունների վերաբերյալ։
Նա կառուցողական հանդիպում ունեցավ Ռուսաստանի նախագահի հետ, որի ընթացքում քննարկվեց հարցերի լայն շրջանակ, մասնավորապես՝ երկկողմ հարաբերությունները և տարածաշրջանում վերջին երեք-չորս շաբաթների ընթացքում տեղի ունեցած զարգացումները», -ասել է դիվանագետը շաբաթական ճեպազրույցի ժամանակ։
