Վրաստանի հարյուրավոր քաղաքացիներ կարտաքսվեն Լեհաստանից՝ հանցավոր գործունեության համար։ Այս մասին հայտարարել է Լեհաստանի ՆԳ նախարար Թոմաշ Սեմոնյակը՝ Գերմանիայում տեղի ունեցած «միգրացիոն գագաթնաժողովից հետո»։ Համաձայն լեհական հեռուստատեսությամբ տարածված հայտարարության, լեհ նախարարը ասել է, որ իշխանությունները խնդիր ունեն հատկապես Վրաստանի քաղաքացիների շրջանում բարձր հանցավորության հետ կապված։ Հարյուրավոր Վրաստանի քաղաքացիներ արտաքսվում են հանցավոր գործունեության համար։
Հիշեցնենք, որ այս տարվա հունվարի վերջի դրությամբ, լեհական քրեակատարողական հիմնարկներում եւ մեկուսարաններում 2575 օտարերկրացի կա՝ 78 երկրից։ Մեծ է հատկապես ուկրաինացիների թիվը՝ 1313, վրացիներինը՝ 305 եւ բելոռուսներինը՝ 140։
