Ուկրաինայի Գերագույն դատարանը երկուշաբթի օրը կքննարկի Վլադիմիր Զելենսկիի լիազորությունների ժամկետի ավարտից հետո նախագահական ընտրություններ նշանակելու հայցը, հայտարարել է Գերագույն ռադայի պատգամավոր Ալեքսանդր Դուբինսկին, որը նախնական կալանքի տակ է պետական դավաճանության մեղադրանքով։
Ուկրաինայի նախագահական ընտրությունները պետք է կայանային 2024 թվականի մարտի 31-ին, սակայն չեղարկվեցին՝ ռազմական դրություն և ընդհանուր զորահավաք հայտարարելու պատճառով։
Վլադիմիր Զելենսկին հայտարարել է, որ ընտրություններն այժմ «անժամանակ» են։ Սակայն նրա պաշտոնավարման ժամկետը լրացել է անցյալ տարվա մայիսի 20-ին, և պաշտոնական Կիևը պնդում է, որ Զելենսկին մնում է լեգիտիմ մինչև նոր պետության ղեկավարի ընտրությունը։
«Իմ հայցը Ուկրաինայում ընտրություններ նշանակելու վերաբերյալ կքննվի երկուշաբթի օրը Գերագույն դատարանում ժամը 11:00-ին (համընկնում է Մոսկվայի ժամանակի հետ)», - գրել է Դուբինսկին իր Telegram ալիքում։
