Վրաստանի վարչապետ Իրակլի Կոբախիձեն հայտարարել է, որ եվրոպական բյուրոկրատիան, որը պահանջում է Վրաստանից չեղարկել սեռի փոփոխությունն արգելող օրենքը, իջել է միջնադարյան ինկվիզիցիայի մակարդակի։
«Նայեք, թե ինչ է մեզանից պահանջում Վենետիկի հանձնաժողովը, նայեք, թե որքան ցածր է իջել Եվրոպան։ Եվրոպական բյուրոկրատիայի մտածողությունը իջել է Ինկվիզիցայից ցածր», - ասել է Իրակլի Կոբախիձեն ճեպազրույցի ժամանակ։
Նրա խոսքով՝ Եվրոպան պահանջում է, որ Վրաստանը չեղյալ հայտարարի անցյալ տարի ընդունված ընտանեկան արժեքների պաշտպանության մասին օրենքը, որը, մասնավորապես, արգելում է սեռի փոփոխությունը։ Կոբախիձեն նշել է է, որ նրանք ցանկանում են պատժել Վրաստանին՝ չեղարկելով ԵՄ-ի հետ վիզային ռեժիմը, առաջ քաշելով անհեթեթ պահանջներ։ Վարչապետը սա համեմատել է Ջորդանո Բրունոյի այրման հետ՝ բացարձակապես ողջամիտ բաներ ասելու համար։
