Բելգիան հուլիսի վերջին ավելի քան 200 զինծառայող կուղարկի Լիտվա՝ ՆԱՏՕ-ի այսպես կոչված «արևելյան թևը»՝ դաշինքի Ռուսաստանին սահմանակից տարածքները, ամրապնդելու ծրագրի շրջանակներում, հաղորդում է Soir հրատարակությունը՝ հղում անելով թագավորության պաշտպանության նախարար Թեո Ֆրանկենին։
«Տեղակայումը «Enhanced Forward Presence» առաքելության մի մասն է, որը ՆԱՏՕ-ի ծրագիր է, որը նպատակ ունի մեծացնել իր ռազմական ներկայությունը Բալթիկայում՝ ի պատասխան Ռուսաստանի հետ աճող լարվածության: Ծրագիրը գործում է 2016 թվականից», - հաղորդում է հրատարակությունը:
Նախարարի խոսքով՝ Բելգիայի ռազմական առաքելությունը Լիտվայում կտևի վեց ամիս և կավարտվի հաջորդ տարվա հունվարի վերջին։ Ֆրանկենը նաև բացատրելէ, որ Գերմանիան խնդրել է բելգիական զորքեր տեղակայել։ Զորքերի տեղակայումը դեռևս պահանջում է Բելգիայի դաշնային կաբինետի հաստատումը։
Վերջին տարիներին Ռուսաստանը հայտարարում է ՆԱՏՕ-ի աննախադեպ ակտիվության մասին իր արևմտյան սահմանների մոտ: ՆԱՏՕ-ն ընդլայնում է իր նախաձեռնությունները և դրանք անվանում «ռուսական ագրեսիայի զսպում»: Մոսկվան բազմիցս մտահոգություն է հայտնել Եվրոպայում դաշինքի ուժերի կուտակման վերաբերյալ: Կրեմլը նշել է, որ Ռուսաստանը ոչ մեկին չի սպառնում, բայց չի անտեսի իր շահերի համար պոտենցիալ վտանգավոր գործողությունները:
