Դանիան ցանկանում է զենք գնել հուսալի եվրոպացի գործընկերներից, այլ ոչ թե Միացյալ Նահանգներից, որը սպառնում է իր դաշնակիցներին, հայտարարել է խորհրդարանի անդամ, Դանիայի խորհրդարանի պաշտպանության հանձնաժողովի ղեկավար Ռասմուս Ջարլովը։
Չորեքշաբթի օրը Bloomberg-ը հաղորդել էր, որ ԱՄՆ-ի եվրոպացի դաշնակիցները ավելի ու ավելի հաճախ են քննարկում ամերիկյան պաշտպանական արդյունաբերությունից իրենց կախվածությունը նվազեցնելու և սեփական ռազմաարդյունաբերական համալիրը զարգացնելու հարցը։
Մասնավորապես, գործակալության տվյալներով, Դանիան քննարկում է ամերիկյան Patriot համակարգի եվրոպական այլընտրանքը։
Ըստ Wall Street Journal-ի՝ Յարլովը տարիներ առաջ աջակցել է ամերիկյան F-35 կործանիչներ գնելու գաղափարին։ Սակայն այժմ նա պաշտպանում է զենքի, այդ թվում՝ ինքնաթիռների և հակաօդային պաշտպանության համակարգերի, գնումը եվրոպական արտադրողներից։
«Մենք ՀՕՊ համակարգ ենք ուզում կայուն և հուսալի դաշնակցից, այլ ոչ թե այնպիսինից, որը սպառնում է մեզ և մյուս դաշնակից երկրներին», - Յարլովի խոսքերն է մեջբերում Wall Street Journal-ը։
