Իսրայելի ագրեսիվ գործողությունները ցույց են տալիս, որ այն չի ցանկանում խաղաղություն և կայունություն և որ սպառնալիք է ներկայացնում տարածաշրջանի համար, ՄԱԿ-ում հայտարարել է Թուրքիայի արտգործնախարար Հաքան Ֆիդանը։
«Իսրայելի հարձակումները խորացնում են էթնիկական բաժանարար գծերը տարածաշրջանում: Մեզ բոլորիս համար պետք է պարզ լինի, որ Իսրայելը խաղաղություն չի ուզում, նրան կայունություն պետք չէ», - նախարարի խոսքերն է մեջբերում «Սթար» թերթը:
«Իսրայելը փորձում է իր ագրեսիայի ռազմավարությունը իրականացնել ոչ միայն Պաղեստինում, այլև Լիբանանում, Սիրիայում և Իրանում»:
Նա նշել է պաղեստինյան ժողովրդի օրինական իրավունքների ճանաչման և անկախ պաղեստինյան պետության ստեղծման կարևորությունը՝ որպես Մերձավոր Արևելքում խաղաղության ապահովման հիմք։
«Մենք կշարունակենք աշխատել Պաղեստին պետության միջազգային ճանաչման համար», - ընդգծել է Թուրքիայի արտաքին գործերի նախարարության ղեկավարը։
