Սիրիայի պաշտպանության նախարարության ուժերը սկսել են դուրս գալ հարավային Սուվեյդա քաղաքից՝ այնտեղ անվտանգության ուժեր տեղակայելուց հետո, հաղորդում է սիրիական «Ալ Իխբարիա» հեռուստաալիքը։
Ավելի վաղ՝ չորեքշաբթի օրը, Սիրիայի Ներքին գործերի նախարարությունը հայտնել էր, որ համաձայնություն է ձեռք բերվել Սուվեյդա նահանգում ռազմական գործողությունները դադարեցնելու վերաբերյալ՝ սիրիական զինված ուժերի և զինված խմբավորումների միջև: Հարավային Սիրիայի դրուզ համայնքի առաջնորդներից մեկը՝ շեյխ Յուսեֆ Ջարբուան, հայտարարել է, որ համայնքը համաձայնության է եկել սիրիական իշխանությունների հետ՝ Սուվեյդայում բոլոր կողմերի կողմից ռազմական գործողությունները դադարեցնելու վերաբերյալ:
