ԱՄՆ նախագահ Դոնալդ Թրամփը հայտարարել է, որ իր կինը՝ Մելանյան, չեզոք դիրքորոշում ունի ուկրաինական հակամարտության հարցում։
«Նա շատ չեզոք է։ Նա կցանկանար, որ մարդիկ դադարեն մահանալ», - ասել է ԱՄՆ նախագահը Վաշինգտոնի մոտ գտնվող Էնդրյուսի ռազմաբազայում լրագրողների հարցերին պատասխանելով։
Սպիտակ տան ղեկավարը հավելել է, որ իր դիրքորոշումը համընկնում է Մելանիայի կարծիքի հետ.
«Մարդիկ ասում են, որ դուք այս կամ այն կողմում եք, բայց ես նրանց կողմն եմ, ովքեր ցանկանում են, որ մարդիկ դադարեն մահանալ», - ընդգծել է Թրամփը։
Ավելի վաղ բրիտանական The Times հրատարակությունը հայտնել էր, որ Մելանյա Թրամփը ազդել է ամուսնու՝ Կիևին զենքի մատակարարումները վերսկսելու որոշման վրա։ Հուլիսի 14-ին Թրամփը հայտարարել էր, որ Վաշինգտոնը որոշել է շարունակել զենքի և ռազմական տեխնիկայի մատակարարումը Կիև, եթե Եվրոպան վճարի նման մատակարարումների համար։
