Ինդոնեզիայի Սեմերու հրաբխի չորրորդ ժայթքումը 24 ժամվա ընթացքում տեղի է ունեցել երեքշաբթի առավոտյան, հաղորդում է Ինդոնեզիայի պետական լրատվական ANTARA գործակալությունը։
«Արևելյան Ջավայում գտնվող Սեմերու հրաբուխը ժայթքել է երեքշաբթի առավոտյան՝ արտանետելով 1.2 կիլոմետր բարձրությամբ մոխրի սյուն։ Ժայթքումը տեղի է ունեցել ժամը 07:15-ին (Մոսկվայի ժամանակով՝ 03:15-ին - խմբ.):
Մոխրասյունի բարձրությունը գագաթնակետից մոտ 1200 մետր էր, որը ծովի մակարդակից 4876 մետր բարձր է», - ասել է Լիսվանտո հրաբխի տարածքում գտնվող դիտակետի աշխատակիցը, որի գրավոր զեկույցը մեջբերել են գործակալությունները։
Պաշտոնական տվյալների համաձայն՝ 1.2 կմ բարձրությամբ ժայթքումը հուլիսի 15-ին տեղի ունեցած չորրորդն էր, նշվում է նաև հաղորդագրության մեջ։
Ավելի վաղ՝ հուլիսի 9-ին, Սեմերու հրաբխի վրա մեկ օրում տեղի է ունեցել 4 ժայթքում, որոնց ընթացքում հրաբխի բերանից մինչև 800 մետր բարձրությամբ մոխրի սյուն է բարձրացել։
