Պայթյուն է տեղի ունեցել Ատրուշ նավթահանքում, որը գտնվում է Իրաքյան Քրդստանի ինքնավար շրջանի Դահուկ նահանգի հյուսիսային մասում, հաղորդում է «Շաֆաք» լրատվական հեռուստաալիքը։
Տեղական անվտանգության ուժերի ներկայացուցչի խոսքով՝ պայթյունը տեղի է ունեցել հանքավայրի տարածքում, օբյեկտի աշխատակիցները և քաղաքացիական պաշտպանության ստորաբաժանումները փորձում են մարել հրդեհը։ Օբյեկտում նավթի արդյունահանումը դադարեցվել է։ Նախնական տվյալներով՝ միջադեպի հետևանքով զոհեր չկան։
Բաղդադի լրատվական պորտալի հաղորդմամբ՝ Դոհուկ նահանգում գտնվող Ատրուշ նավթահանքը «հարձակման է ենթարկվել», որի տարածքից ծխի ամպեր են երևում։
Այլ մանրամասներ դեռևս չեն հրապարակվել։
