Իրանի տարածքում Իսրայելի կողմից հասցված հարվածների հետևանքով զոհերի թիվը հասել է 1062-ի, հայտարարել է Իսլամական Հանրապետության նահատակների և վետերանների հիմնադրամի նախագահ Սաիդ Օհադին։
«Այսօրվա դրությամբ մենք թաղել ենք 1062 մարդու, ևս 5800-ը վիրավորվել են Իսրայելի հանցագործությունների հետևանքով, որոնցից մոտ 100-ը դեռևս հոսպիտալացված են, 34-ի վիճակը գնահատվում է ծանր», - Իրանի պետական հեռուստատեսությամբ ասել է պաշտոնյան։ Ավելի վաղ հաղորդվել էր, որ Իսլամական Հանրապետությունում մարտերի ընթացքում զոհվել է 1060 մարդ, իսկ վիրավորվել՝ ավելի քան 5000-ը։
Իսրայելը հունիսի 13-ի գիշերը ռազմական գործողություն սկսեց Իրանի դեմ։ Մեկ օր էլ չանցած՝ Իսլամական Հանրապետությունը հակագրոհ սկսեց։
ԱՄՆ-ը հակամարտության մեջ մտավ դրա սրացումից ինը օր անց. հունիսի 22-ի գիշերը ամերիկյան ուժերը հարձակվեցին իրանական երեք միջուկային օբյեկտների վրա։
