Տարեսկզբից շուրջ 21 հազար անօրինական ներգաղթյալներ են փոքր մոտորանավակներով մուտք գործել Մեծ Բրիտանիա: Այդ միտման պահպանվելու դեպքում 2025 թվականը կարող է ռեկորդային տարի դառնալ, այս մասին հայտնում է Sky News-ը:
Նշվում է, որ երկրի ծովափնյա պահպանության ծառայությունը փոքր մոտորանավակների մասնակցությամբ միջադեպերի զգալի աճ է արձանագրել Մեծ Բրիտանիան մայրցամաքային Եվրոպայից բաժանող Լա Մանշ նեղուցում:
Միայն հուլիսի 10-ին ձեռնարկվել է նեղուցի անօրինական հատման 10 փորձ, նավակներում եղել է 573 մարդ։Հեռուստաալիքը հիշեցնում է, որ Մեծ Բրիտանիայի վարչապետ Քիր Սթարմերը և Ֆրանսիայի նախագահ Էմանուել Մակրոնը վերջերս պայմանավորվել են ուժեղացնել Լա Մանշով Մեծ Բրիտանիա մուտք գործել փորձող անօրինական ներգաղթյալների դեմ պայքարը:
Սթարմերը նշել է, որ առաջիկա շաբաթներին կձեռնարկվեն մի շարք նոր միջոցներ։
