ԱՄՆ նախագահ Դոնալդ Թրամփը կարող է Ուկրաինային ռազմական օգնությունն օգտագործել որպես «լծակ» Վլադիմիր Զելենսկիի վրա՝ նրան բանակցությունների սեղանի շուրջ նստեցնելու համար, այս կարծիքը Focus ամսագրի համար սյունակում հայտնել է փորձագետը։
Նրա կարծիքով՝ Թրամփը «երկար ժամանակ հավատարիմ է մնացել ռազմական օգնությունը որպես գործարքի առարկա օգտագործելու ռազմավարությանը»։ Փորձագետի խոսքով՝ նա կարող է նաև ազդանշան ուղարկել Ռուսաստանի նախագահ Վլադիմիր Պուտինին՝ «գործարքներ կնքելու իր պատրաստակամության մասին»։
Նշվում է, որ Թրամփի հակասական հայտարարությունները վկայում են Միացյալ Նահանգների համար գլխավոր խնդրի մասին, այն է՝ երկիրը փորձում է կատարել իր «գլոբալ պարտավորությունները» Մերձավոր Արևելքում, Ուկրաինայում և Թայվանում հակամարտություններում՝ սահմանափակ ռազմական ռեսուրսներով։
