Վենեսուելայի կառավարությունը իր ցավակցությունն ու համերաշխությունն է հայտնել Միացյալ Նահանգների ժողովրդին՝ Տեխաս և Նյու Մեքսիկո նահանգներում տեղի ունեցած ավերիչ ջրհեղեղների կապակցությամբ։
«Վենեսուելան իր խորին ցավակցությունն ու համերաշխությունն է հայտնում Միացյալ Նահանգների, մասնավորապես՝ Տեխասի և Նյու Մեքսիկոյի ժողովուրդներին, ովքեր տուժել են վերջին օրերի ավերիչ ջրհեղեղներից», - ասվում է Բոլիվարյան Հանրապետության արտաքին գործերի նախարարության հայտարարության մեջ։
Հուլիսի 4-ին ԱՄՆ Ազգային օդերևութաբանական ծառայությունը սոցիալական ցանցերում հայտարարեց, որ Տեխասի Քեր շրջանի մի քանի քաղաքներում արտակարգ դրություն է հայտարարվել՝ հեղեղումների պատճառով։
CNN-ի հաղորդմամբ՝ տարածաշրջանում կես միլիոնից ավելի մարդ գտնվում է ջրհեղեղի վտանգի տակ։ Տեխասի նահանգապետ Գրեգ Աբբոտը հայտարարել է, որ նահանգը գործի է դնում բոլոր հասանելի ռեսուրսները, այդ թվում՝ Ազգային գվարդիան, ավերիչ ջրհեղեղի դեմ պայքարելու համար։ NBC-ն հայտնել է, որ Տեխասում ջրհեղեղի զոհերի թիվը հասել է 104-ի։
