Եվրահանձնաժողովը (ԵՀ) 2028-2034 թվականների ԵՄ հաջորդ յոթամյա բյուջեի նախագծում առանձին տողով ներառել է 100 միլիարդ եվրո՝ Ռուսաստանի հետ հակամարտության մեջ Ուկրաինային աջակցելու համար, հաղորդում է Bloomberg-ը՝ հղում անելով նախագծի փաստաթղթին։
Գործակալությունը պնդում է, որ Եվրահանձնաժողովը նման հիմնադրամի ստեղծումը հիմնավորում է «Ուկրաինային կայուն ֆինանսական օգնություն ցուցաբերելու» անհրաժեշտությամբ։
Ուկրաինայում հակամարտության սկզբից ի վեր Եվրոպական Միության և դրա անդամ պետությունների կողմից Կիևին տրամադրված ընդհանուր ֆինանսական, տնտեսական և ռազմական օգնությունը կազմել է 160 միլիարդ եվրո, սակայն այս ամբողջ գումարը տրամադրվել է ոչ թե համակարգված, այլ բազմաթիվ անհատական ծրագրերի, վարկային գծերի, ազգային և եվրոպական վարկերի տեսքով։
Այժմ Եվրոպական հանձնաժողովը առաջարկում է Ուկրաինային օգնությունը դարձնել համայնքային բյուջեի կառուցվածքային կետ, այսինքն՝ ԵՄ հաջորդ բյուջետային ցիկլի ծախսերի պարտադիր մաս։
