Պապիկյանը մասնակցել է բանակային խաղերի փակման հանդիսավոր արարողությանը

06.07.2025 15:35 | Կատեգորիա Համաշխարհային

Հուլիսի 6-ին Մ. Մելքոնյանի անվան ռազմամարզական վարժարանում ավարտվել են Հայաստանի Հանրապետության վարչապետի հովանու ներքո ուժային կառույցների միջև անցկացվող բանակային խաղերը։

Փակման հանդիսավոր արարողությանը ներկա են եղել և մասնակիցներին ողջունել են պաշտպանության նախարար Սուրեն Պապիկյանը, նախարարի առաջին տեղակալ, ԶՈՒ ԳՇ պետ, գեներալ-լեյտենանտ Էդվարդ Ասրյանը, ուժային կառույցների ղեկավարներ և ներկայացուցիչներ, պաշտոնատար այլ անձինք:

Շնորհավորելով մրցույթի մասնակիցներին բանակային խաղերի բարեհաջող ավարտի կապակցությամբ՝ նախարար Պապիկյանը գոհունակությամբ արձանագրել է, որ մրցումների ընթացքում գրանցված բանակային խաղերի յոթ ռեկորդները վկայում են մասնակիցների ֆիզիկական պատրաստության շարունակական բարելավման մասին:

Նախարարը նկատել է նաև, որ բանակային խաղերն ամրապնդում են համագործակցությունն ուժային կառույցների միջև՝ առողջ մրցակցությանը զուգահեռ ձևավորելով գործընկերային ջերմ մթնոլորտ։

Կարևորելով ֆիզիկական պատրաստության դերն ուժային կառույցների ծառայողների պատրաստության գործում՝ ԶՈՒ ԳՇ պետ Էդվարդ Ասրյանն իր հերթին ընդգծել է, որ հաղթանակն արդյունքն է երկարատև ու քրտնաջան աշխատանքի:

Բանակային խաղերի փակման հանդիսավոր արարողության շրջանակում տեղի է ունեցել կողմնորոշում, հրաձգություն «ԱԿ» ինքնաձիգից, հրաձգություն «ՊՄ» ատրճանակից, հրաձգություն «ԴԴՀ» հրացանից, բանակային քառամարտ, ռազմականացված կրոսավազք, ռազմականացված կրոսավազքի փոխանցումավազք մարզաձևերի մրցանակակիրների պարգևատրման արարողությունը:

Ուժային կառույցների միջև ընդհանուր թիմային հաշվարկով առաջին հորիզոնականը զբաղեցրել է պաշտպանության նախարարության հինգերորդ թիմը, երկրորդ տեղը՝ Պետական պահպանության ծառայության թիմը։

Լավագույն եռյակը եզրափակել է ՊՆ երկրորդ թիմը:

Ամենաշատ կարդացվածներ

Ե՞րբ կնշվի Սուրբ Զատիկը 2026-ին

20.02.2026 18:43 | Կատեգորիա Հասարակություն

ԱՄՆ դեսպանատան մոտ մեքենայում պայթյուն է տեղի ունեցել (տեսանյութ)

19.02.2026 19:31 | Կատեգորիա Պատահարներ

Գյումրիում 4-5 հոգի մեքենայից իջնելով՝ դանակահարել են կանգառում կանգնած երիտասարդի. «Առավոտ»

21.02.2026 00:46 | Կատեգորիա Պատահարներ

Կյանքից հեռացել է Ճամբարակի առողջության կենտրոնի տնօրենը

20.02.2026 19:08 | Կատեգորիա Հասարակություն

Այս պահին Երևանում խոշորամասշտաբ խուզարկություններ են. Ի՞նչ է հայտնի

20.02.2026 20:35 | Կատեգորիա Հասարակություն

Ծեծկռտուք, վիճաբանություն․ մաքսանենգ ճանապարհով ՀՀ է փորձել ներկրել խոշոր չափերի թմրանյութ (տեսանյութ)

19.02.2026 20:41 | Կատեգորիա Պատահարներ

«Նոան» հաղթեց «ԱԶ Ալկմարին»

20.02.2026 00:53 | Կատեգորիա Սպորտ

Վերջ դրեք ազգընտիր Հայոց Հայրապետի նկատմամբ բռնաճնշումներին․ Եպիսկոպոսաց հավաքի հայտարարությունը

20.02.2026 00:36 | Կատեգորիա Հասարակություն

ՈՒԵՖԱ-ն հետաքննություն է սկսել «Բենֆիկա»-«Ռեալ» խաղում գրանցված ռասիստական միջադեպի առթիվ

19.02.2026 21:30 | Կատեգորիա Սպորտ

ՈՒՂԻՂ

Կորցնու՞մ է արդյոք Ռուսաստանն իր ազդեցությունը հետխորհրդային երկրներում, մասնավորապես՝ Հայաստանում Վալենտինա Կոմլևա (տեսանյութ)