Հյուսիսային ծովում ՆԱՏՕ-ի ստորջրյա ենթակառուցվածքները խոցելի են արտաքին սպառնալիքների նկատմամբ, ամերիկյան Newsweek ամսագրին տված հարցազրույցում ասել է հոլանդացի կոնտր-ադմիրալ Փոլ Ֆլոսը։
Ֆլոսը պնդում է, որ ծովում ենթակառուցվածքները, այդ թվում՝ մալուխներն ու խողովակաշարերը, «ծայրահեղ անպաշտպան» են և խոցելի՝ հաշվի առնելով այնտեղ Ռուսաստանի ռազմածովային ուժերի ներկայությունը և Ռուսաստանի կողմից ենթադրաբար աճող «սպառնալիքը»։
Ինչպես գրում է հրատարակությունը, ստորջրյա մալուխների անվտանգության ապահովումը դժվար խնդիր է ՆԱՏՕ-ի համար, քանի որ մալուխային և խողովակաշարային ցանցերի մեծ մասը շահագործվում է մասնավոր ընկերությունների կողմից: Ֆլոսը ենթակառուցվածքների անվտանգության շուրջ ստեղծված իրավիճակը բնութագրել է որպես չափազանց բարդ և ասել է, որ անհրաժեշտ է «ընդլայնել համագործակցությունը արդյունաբերության հետ բոլոր մակարդակներում»:
Հրատարակության կողմից մեջբերված փորձագետների գնահատականների համաձայն՝ էլեկտրական մալուխների խափանումը օրական կարժենա 14 միլիոն դոլար, իսկ խողովակաշարերի խափանումը կարող է արժենալ տասնյակ միլիարդավոր դոլարներ։
Ավելի վաղ Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան հայտարարել էր, որ մալուխների վնասման մեջ ռուսական հետքի մասին պնդումները նպատակ ունեն կանխել ռուսական նավթի արտահանումը և կամայականորեն սահմանափակել նավագնացությունը ջրերում։
