Քաղաքական գիտությունների դոկտոր, պատմաբան Արմեն Այվազյանի ֆեյսբուքյան գրառումը․ Ս. Էջմիածնի վրա ոստիկանական զորքով գրոհելու սցենարը չգիտեմ՝ որտեղ է գրվել՝ դրսո՞ւմ, թե՞ ներսում։ Բայց սցենարիստներն, անկասկած, անգետիկներ են. նրանք, կարծես թե, ոչ միայն չեն ուսումնասիրել հայոց և համաշխարհային պատմությունը, այլև ընդհանրապես տեղյակ չեն, թե ինչ է քրիստոնեական եկեղեցին։
Չգիտեն մի պարզ ճշմարտություն՝ քրիստոնեական հավատքն ու եկեղեցին ուժեղանում են առավելապես հալածանքների և քաղաքական ճնշումների պայմաններում։
Եվ ահա, Փաշինյանի ու նրա թիմակիցների «հանճարեղ» գործողությունների արդյունքում Հայոց եկեղեցու վարկը բարձրացավ աննախադեպ աստիճանի՝ հետխորհրդային շրջանի ողջ ընթացքում։Իրոք որ՝ անքննելի են Աստծո գործերը. երբեմն Նա նույնիսկ ծանծաղամիտների միջոցով է գործում։
