ԱՄՆ նախագահ Դոնալդ Թրամփը զանգահարել է Իսրայելի վարչապետ Բենիամին Նեթանյահուին և ասել, որ ժամանակն է դադարեցնել պատերազմը, քանի որ իրանցիները զգալիորեն թուլացել են, հաղորդում է NBC-ն՝ հղում անելով Սպիտակ տան բարձրաստիճան պաշտոնյայի։
Հունիսի 24-ի գիշերը Թրամփը հայտարարեց, որ Իսրայելն ու Իրանը համաձայնության են եկել հրադադարի շուրջ, որը 24 ժամ անց պետք է դառնա «12-օրյա պատերազմի պաշտոնական ավարտը»։
«Թրամփը զանգահարել է Իսրայելի վարչապետ Բենիամին Նեթանյահուին և ուղղակիորեն ասել նրան. «Այլևս վերջ պատերազմին, այլևս ոչ մի մարտ։ Իրանցիները զգալիորեն թուլացել են»», - ասվում է հեռուստաալիքի հայտարարության մեջ։
Աղբյուրը նշել է, որ մինչ Թրամփը Նեթանյահուի հետ շփվում էր Օվալաձև սենյակից, նրա ազգային անվտանգության թիմը միջնորդների միջոցով հաղորդագրություններ էր ուղարկում իրանցիներին։ Բանակցություններում որպես միջնորդ հանդես է եկել նաև փոխնախագահ Ջ.Դ. Վենսը։
