Իրանի և Իսրայելի միջև հակամարտությունը կքննարկվի Հաագայում կայանալիք ՆԱՏՕ-ի գագաթնաժողովում, չնայած այն հանգամանքին, որ այս թեման չի համապատասխանում դաշինքի շահերին, հաղորդում է եվրոպական Politico հրատարակությունը՝ հղում անելով աղբյուրներին։
«Իրանը գագաթնաժողովում մեծ թեմա կլինի։ Դա ՆԱՏՕ-ի թեմա չէ, բայց առաջնորդները կցանկանան այդ մասին խոսել ԱՄՆ նախագահ Դոնալդ Թրամփի հետ», - ասել է անանուն եվրոպացի դիվանագետը։
Մի քանի երկրներ նույնպես մտահոգություն հայտնեցին, որ չգիտեն, թե ինչ սպասել Թրամփից գագաթնաժողովում: ՆԱՏՕ-ի նախկին բարձրաստիճան պաշտոնյա Կամիլա Գրանդն ասել է, որ դժվար է իմանալ, թե իրականում ինչ է ուզում Թրամփը:
Կանխատեսելիությունն ապահովելու համար, նա ասել է, որ «գագաթնաժողովը կառուցված է մեկ էջանոց հաղորդագրության, մեկ աշխատանքային նիստի և թագավորական ընդունելության շուրջ», առանց «երկարատև մամուլի ասուլիսների»:
ՆԱՏՕ-ի գագաթնաժողովը Հաագայում տեղի կունենա հունիսի 24-25-ը։ Դրա մասնակիցները նախատեսում են հաստատել դաշինքի պետությունների կողմից ՀՆԱ-ի 5%-ի չափով ռազմական ծախսերի նոր նպատակային մակարդակ, որին պետք է հասնել մինչև 2035 թվականը, ինչպես նաև կանդրադառնան Ուկրաինային զենքի մատակարարման հարցին։
