ԱՄՆ նախագահ Դոնալդ Թրամփը զանգահարել է Իսրայելի վարչապետ Բենիամին Նեթանյահուին՝ Իրանի և Իսրայելի միջև հրադադարի մասին հայտարարելուց առաջ` պահանջելով դադարեցնել բոլոր ռազմական գործողությունները, քանի որ Թեհրանն արդեն «զգալիորեն թուլացել էր», հաղորդում է NBC News-ը՝ հղում անելով Սպիտակ տան բարձրաստիճան պաշտոնյայի։
«Ավելի պատերազմ չկա, ավելի շատ մարտեր չկան։ Իրանցիները զգալիորեն թուլացել են», - ասել է Թրամփը՝ ըստ հեռուստաալիքի աղբյուրի։
Միաժամանակ, ԱՄՆ նախագահի ազգային անվտանգության թիմը միջնորդների միջոցով ուղերձներ է հղել Իրանին՝ պահանջելով, որ այն նույնպես զերծ մնա Իսրայելին հարվածելուց և համաձայնի հրադադարի։
Մինչ այդ, ըստ հեռուստաալիքի, Թրամփը զանգահարել է Կատարի էմիր շեյխ Թամիմ բին Համադ ալ Թանիին՝ խնդրելով նրան ազդել Թեհրանի վրա՝ զինադադարի հասնելու համար: Ինչպես նշում է NBC News-ը, ԱՄՆ նախագահը կարողացել է համոզել երկու կողմերին էլ արագ զինադադարի անհրաժեշտության մեջ:
