Թուրքիայի նախագահ Ռեջեփ Թայիփ Էրդողանը հեռախոսազրույց է ունեցել Կատարի էմիր շեյխ Թամիմ բին Համադ ալ Թանիի հետ, որի ընթացքում նա ասել է, որ Իսրայելի հարձակումները Իրանի վրա ցույց են տալիս, որ Բենիամին Նեթանյահուի վարչակազմը ամենամեծ սպառնալիքն է ներկայացնում Մերձավոր Արևելքի անվտանգության համար։ Հաղորդում է ՏԱՍՍ-ը։
«Նախագահ Էրդողանը նշել է, որ Թուրքիան ինտենսիվ դիվանագիտական շփումների մեջ է Իրանի վրա Իսրայելի հարձակումից հետո և կշարունակի ջանքերը՝ դադարեցնելու բռնության պարույրը, որը սկսվել է այս հարձակումներից։ Նա նշել է, որ Նեթանյահուն ևս մեկ անգամ ցույց է տվել, որ ինքը տարածաշրջանային անվտանգության ամենամեծ սպառնալիքն է», - ասվում է Թուրքիայի առաջնորդի գրասենյակի հայտարարության մեջ հեռախոսազրույցից հետո։
