ԱՄՆ նախագահ Դոնալդ Թրամփի և ազգային անվտանգության խորհրդականների միջև Սպիտակ տանը կայացած հանդիպման մասնակիցները հստակեցրել են, որ հաջորդ 24-48 ժամերը վճռորոշ կլինեն Իրանի և Իսրայելի միջև հակամարտության մեջ, հաղորդում է ABC News-ը:
Այս ժամանակահատվածից հետո պարզ կդառնա՝ արդյոք Թեհրանն ունի դիվանագիտական լուծում, թե՞ ԱՄՆ-ն ստիպված կլինի դիմել ռազմական գործողությունների, գրում է հրատարակությունը։
Հանդիպումից առաջ Թրամփը Truth Social-ում մի շարք գրառումներ հրապարակեց՝ Իրանի գերագույն առաջնորդ այաթոլլա Ալի Խամենեիին անվանելով «հեշտ թիրախ» և պահանջելով անվերապահ հանձնվել: Չնայած նրա կոշտ հռետորաբանությանը, ԱՄՆ-ն կարծում է, որ հնարավոր է վերսկսել միջուկային բանակցությունները Իրանի հետ, հաղորդում է ABC-ն: ԱՄՆ պաշտոնյաները կարծում են, որ Թեհրանը թույլ դիրքում է, ուստի այն ստիպված կլինի վերադառնալ բանակցությունների սեղանի շուրջ և, ի վերջո, համաձայնել այնպիսի գործարքի, որը ներառում է ուրանի հարստացման լիակատար դադարեցում:
