Հունիսի 18-ը Կիևում սգո օր է հայտարարվել: Այս գիշեր ռուսական ուժերը հարվածել են Ուկրաինայի մայրաքաղաքին, խոցել բնակելի շինություններ և կարևոր ենթակառուցվածքներ: Հայտնի է առնվազն 14 զոհի մասին, կան անհետ կորածներ, խաղաղ բնակչության շրջանում վիրավորների թիվը գերազանցում է 100-ը: Թիրախավորվել է նաև Օդեսայի քաղաքացիական ենթակառուցվածքը, հայտնի է մեկ զոհի և շուրջ 20 վիրավորի մասին:
Ռուսաստանի ՊՆ տվյալներով՝ հարվածները հասցվել են Ուկրաինայի ռազմարդյունաբերական համալիրին: Գերատեսչությունը հայտնել է, որ Ուկրաինական ուժերն էլ մի քանի տասնյակ ԱԹՍ են արձակել Ռուսաստանի ուղղությամբ:
