Պաղեստինյան ՀԱՄԱՍ շարժումը կարծում է, որ Իրանի և Իսրայելի միջև լարվածությունը կազդի Գազայի հատվածի շուրջ ստեղծված իրավիճակի վրա և կարող է Իսրայելին դրդել ժամանակավոր հրադադարի, ՌԻԱ Նովոստիին ասել է ՀԱՄԱՍ-ի քաղբյուրոյի ղեկավարի տեղակալ Մուսա Աբու Մարզուկը։
«Իրանի հետ պատերազմը կազդի Գազայի հատվածում տիրող իրավիճակի վրա, քանի որ եթե ներգրավված լինեն խոշոր ռազմական ուժեր ( Իսրայել - խմբ.), դա, իհարկե, կազդի Գազայի վրա։ Հնարավոր է, որ սա նույնիսկ հրադադարի ռեժիմի դեր խաղա։ Սակայն դա միևնույն ժամանակ չի նշանակում, որ Իրանի հետ լարվածության սրման պատճառով Իսրայելը կորոշի լիովին դադարեցնել կրակը Գազայում», - ասել է Մարզուկը
