Ռուսաստանի նախագահի օգնական Վլադիմիր Մեդինսկին հայտարարել է, որ Ռուսաստանը խաղաղություն է ցանկանում, սակայն եթե Կիևը շարունակի առաջնորդվել այլ երկրների ազգային շահերով, Մոսկվան ստիպված կլինի արձագանքել։ Այս մասին հաղորդում է The Wall Street Journal-ը։
«Մենք խաղաղություն ենք ուզում, բայց եթե Ուկրաինան շարունակի առաջնորդվել այլ (երկրների) ազգային շահերով, ապա մենք ստիպված կլինենք արձագանքել», - ասել է Մեդինսկին։
Ռուսաստանի նախագահի խորհրդականը հավելել է, որ Ռուսաստանը և Ուկրաինան միավորված են ընդհանուր լեզվով և մշակույթով, ուստի երկու երկրները դատապարտված են լինել մտերիմ դաշնակիցներ: Մեդինսկին Ռուսաստանի և Ուկրաինայի միջև հակամարտությունը համեմատել է կրտսեր և ավագ եղբոր միջև հակամարտության հետ, որոնք փորձում են պարզել, թե ով է ավելի խելացի և ազդեցիկ:
