ԱՄՆ նախագահ Դոնալդ Թրամփի և միլիարդատեր Իլոն Մասկի միջեւ ծագած կոշտ հակամարտությունը կարճ ժամանակում վերածվեց քաղաքական ու տնտեսական մեծ աղմուկի՝ մղելով նույնիսկ Չինաստանի և Գերմանիայի ղեկավարների հետ նրա բանակցությունները երկրորդ պլան։ Երկու կողմերի միջև փոխադարձ մեղադրանքներն ու սպառնալիքները ոչ միայն ազդեցին Tesla-ի արժեթղթերի վրա՝ գրանցելով մինչև 20% անկում, այլ նաև ցնցեցին համաշխարհային ֆոնդային շուկաները, հայտնում է Reuters-ը։
Հակամարտության էպիկենտրոնում է Թրամփի առաջարկած «մի մեծ գեղեցիկ» բյուջետային նախագիծը, որը Մասքը բնութագրել է որպես «զզվելի աղետ», ենթադրելով, որ այն մոտ 2,4 տրիլիոն դոլարի նոր պարտք կբերի։ Թեև կողմերը հետզհետե մեղմում են տոնայնությունը, շուկաները դեռ արձագանքում են անկայունությամբ՝ մտահոգվելով այս աննախադեպ բախման քաղաքական հետևանքներով։
Այդ ֆոնին ԱՄՆ ու Չինաստանի առաջնորդների հեռախոսազրույցը որևէ բեկում չբերեց առևտրային հակամարտությունում։ Այս զարգացումների հետ մեկտեղ՝ Եվրոպայի կենտրոնական բանկը նվազեցրեց տոկոսադրույքները, ԱՄՆ-ում աճել են գործազրկության ցուցանիշները, իսկ դոլարի նկատմամբ ճնշումը մեծացել է՝ պայմանավորված ԱՄՆ-ի նոր քայլերով արտարժույթի վերահսկման հարցում։
