Սաուդյան Արաբիայի թագավոր Սալման բին Աբդուլազիզ Ալ Սաուդը նամակ է ստացել Ռուսաստանի նախագահ Վլադիմիր Պուտինից, որը նվիրված է երկու երկրների միջև հարաբերություններին, հաղորդում է Սաուդյան Արաբիայի պետական SPA լրատվական գործակալությունը։«Երկու սուրբ մզկիթների պահապան՝ թագավոր Սալման բին Աբդուլազիզ Ալ Սաուդը, գրավոր ուղերձ է ստացել Ռուսաստանի Դաշնության նախագահ Վլադիմիր Պուտինից՝ երկու երկրների միջև երկկողմ հարաբերությունների վերաբերյալ», – ասվում է գործակալության հաղորդագրության մեջ։
SPA-ն նշում է, որ թագավորը նամակը ստացել է թագավորության արտաքին գործերի նախարարության ղեկավարի տեղակալ Վալիդ բին Աբդուլ Քարիմ ալ-Խուրեյջիի միջոցով, որը նախորդ օրը հանդիպել էր Սաուդյան Արաբիայում Ռուսաստանի դեսպան Սերգեյ Կոզլովի հետ։Գործակալության տվյալներով՝ հանդիպման ընթացքում քննարկվել են Ռուսաստանի և Սաուդյան Արաբիայի միջև երկկողմ հարաբերությունները, ինչպես նաև Մերձավոր Արևելքում և աշխարհում տեղի ունեցող վերջին իրադարձությունները։
