Թեև Դոնալդ Թրամփը սպառնում է Apple-ին 25% մաքսատուրքով, եթե ընկերությունը չտեղափոխի iPhone-ների արտադրությունը ԱՄՆ, փորձագետները նշում են, որ նման քայլը գործնականում անիրական է։ Չինաստանը և Հնդկաստանը տասնամյակներ շարունակ զարգացրել են մասնագիտացված արտադրական միջավայր՝ կոփված հմտություններով ու տեխնոլոգիաներով, որոնք անմիջապես փոխարինել հնարավոր չէ։
Apple-ը ներդրումներ է անում ԱՄՆ-ում հետազոտությունների, արհեստական ինտելեկտի և փոքր բիզնեսի զարգացման ուղղությամբ, բայց ոչ՝ մասշտաբային արտադրության համար։ iPhone-ների ամբողջական արտադրությունը ԱՄՆ տեղափոխելու դեպքում արտադրական ծախսերը կտրուկ կաճեն, իսկ գները կարող են եռապատկվել՝ առաջացնելով շուկայի անկայունություն։
Ընկերությունը կանգնած է բարդ ընտրության առջև՝ քաղաքական ճնշումների և տնտեսական իրողությունների միջև, քանի որ ներկայումս ԱՄՆ-ում iPhone արտադրելը պարզապես իրատեսական չէ, փոխանցում է CNN-ը։
