ԱՄՆ նախագահ Դոնալդ Թրամփը դիմել է Գերագույն դատարան, պահանջելով թույլատրել միգրանտների արտաքսումը ոչ միայն իրենց ծագման երկրներ, այլև այլ երրորդ երկրներ, ինչպիսիք են Հարավային Սուդանը։ Այս քաղաքականությունը, որը նախատեսում է առանց նախնական ծանուցման կամ պաշտպանվելու հնարավորություն տալու արտաքսվողներին, բողոքարկվել է շրջանային դատարաններում՝ որպես միջազգային իրավունքների խախտում։
Մարտին դատավոր Բրայան Մերֆին արգելեց այս ծրագիրը՝ պարտադրելով կառավարությանն արտաքսվողներին տրամադրել նախապես ծանուցում և հնարավորություն՝ փաստարկելու հետապնդման կամ խոշտանգման վախը։ Թրամփի վարչակազմը նշել է, որ այս խոչընդոտները վտանգում են ԱՄՆ արտաքին քաղաքականությունը՝ ստիպելով պահել արտաքսվողներին օտարերկրյա ռազմական օբյեկտներում։
Սակայն դատարանները մերժել են վարչակազմի պահանջը՝ նշելով միգրանտների իրավունքների խախտումները և երրորդ երկրների հետ չհամաձայնեցված գործողությունները։ Այս հարցը մնում է Թրամփի միգրացիոն քաղաքականության կիզակետում՝ ընդգծելով ինչպես ներգաղթի իրավական մարտահրավերները, այնպես էլ մարդկային իրավունքների միջազգային սկզբունքները, փոխանցում է CNN-ը։
