Բանակը համալրելու համար ոչ թե պատժողական քաղաքականություն պետք է որդեգրել, այլ խրախուսական: Այս մասին իր ֆեյսբուքյան էջում գրել է Անձնագրային և վիզաների վարչության նախկին պետ Մնացական Բիչախչյանը:«Ինչ ենք ուզում անել, նոր ծնված երեխային ասում ենք դու գումարային պարտքով ես ծնվում:
Հակառակը պետք է անել, ով մեկ տարի ծառայի ստանա 10 միլիոն, երկու տարի ծառայի՝ 20 միլիոն: Պետություն-քաղաքացի հարաբերությունում փոխադարձ պարտավորության կապը պետք է ամրագրել, պետություն ես քեզ տալիս եմ զինվոր, դու էլ զինվորի կյանքը բարելավի: Բոլորիս էլ հայտնի է, որ բանակի համալրման խնդիր ունենք, բայց սա լավագույն լուծումը չէ:
Գույքային տարբերակում դնելով՝ հասարակությունն ու բանակը բաժանում ենք աղքատների ու հարուստների: Խորը վերլուծեք, փոփոխությամբ արտագաղթը չխթանեք ավելի:
Բացի այդ, փոփոխությունը հակասահմանադրական է, որի մասին գրված է հենց ԱԺ կողմից տրված եզրակացությունում: Ինչպես քաղաքացիություն ստանալը, այնպես նաև դադարեցնելը անձի սահմանադրական իրավունքն է: Գույքային խտրականությամբ արգելվում է տարբերակում դնել. ով հարուստ է, իրավունք ունի փոխել քաղաքացիությունը, ով աղքատ է ծառայի հարուստներին»:
