Ներկայումս նախապատրաստվում է Հարավային Կովկասի հարցով «3+3» ձևաչափով երրորդ նախարարական հանդիպումը։ Մոսկվան կողմ է, որ հաջորդ երկու հանդիպումները տեղի ունենան Բաքվում և Երևանում։ Այդ մասին Հայաստանի արտգործնախարար Արարատ Միրզոյանի հետ բանակցություններից հետո կայացած մամուլի ասուլիսում հայտարարել է ՌԴ ԱԳ նախարար Սերգեյ Լավրովը։
«Մենք խոսեցինք այն մասին, թե որտեղ կարող է գումարվել «3+3» ձևաչափով երրորդ հանդիպումը: Կարծում եմ, որ Հայաստանի Հանրապետությունը և Ադրբեջանի Հանրապետությունը, որոնք ցանկանում են ընդունել այս միջոցառումը, կարող են շատ հեշտությամբ պայմանավորվել միմյանց միջև, և մենք պատրաստ ենք դրան նպաստել հանդիպման հաջորդականության հարցում:
Հարավային Կովկասում համագործակցության վեցակողմ ձևաչափի նախաձեռնությունը 2020 թվականի վերջին առաջ է քաշվել Ադրբեջանի և Թուրքիայի առաջնորդներ Իլհամ Ալիևի և Ռեջեփ Թայիփ Էրդողանի կողմից, որը հետագայում ստացել է «3+3» անվանումը։ Ռուսաստանը և Իրանը ողջունեցին այս գաղափարը, և Հայաստանը նույնպես միացավ այդ ձևաչափին։ Վրաստանը հայտարարել է, որ չի պատրաստվում մասնակցել նախաձեռնությանը:
