ԱՄՆ նախագահ Դոնալդ Թրամփը և ՌԴ նախագահ Վլադիմիր Պուտինը հեռախոսազրույց են անցկացնում՝ փորձելով հասնել հրադադարի համաձայնության Ուկրաինայում։ Թրամփը նախատեսում է այս խոսակցությունից հետո կապ հաստատել Ուկրաինայի նախագահ Վլադիմիր Զելենսկու և ՆԱՏՕ-ի ղեկավարների հետ, հայտնում է Al-Jazeera-ն։
Մինչ այդ, Զելենսկին Հռոմում հանդիպել է ԱՄՆ և եվրոպական բարձրաստիճան պաշտոնյաների հետ՝ շեշտելով, որ Կիևը զբաղված է «իրական դիվանագիտությամբ»՝ ուղղված հրադադարի հասնելուն։
Միաժամանակ, Մեծ Բրիտանիան հայտնել է, որ Ֆրանսիայի, Գերմանիայի, Իտալիայի և Բրիտանիայի ղեկավարները զանգի ընթացքում Թրամփին փոխանցել են՝ անհրաժեշտ է անշեղ հրադադար և պահանջել Պուտինից լրջորեն մոտենալ խաղաղ բանակցություններին։
Քաղաքական ջանքերը շարունակվում են այն պայմաններում, երբ Ուկրաինան հաղորդում է պատերազմի սկզբից ի վեր ռուսական ամենախոշոր դրոնային հարձակման մասին․ Ռուսաստանը, ըստ Կիևի, կիրակի գիշերը արձակել է 273 պայթուցիկ դրոն և խաբուսիկ թիրախ տարբեր շրջանների ուղղությամբ։
