Երկուշաբթի օրը Լոնդոնի Lancaster House-ում տեղի կունենա Մեծ Բրիտանիա-ԵՄ առաջին գագաթնաժողովը: Բրիտանական իշխանությունների խոսքով՝ գագաթնաժողովը նպատակ ունի ամրապնդել կողմերի համագործակցությունը պաշտպանության և առևտրի ոլորտներում և նոր էջ բացել Լոնդոնի և Բրյուսելի հարաբերությունների պատմության մեջ Brexit-ից հետո։
Միջոցառմանը ԵՄ-ն կներկայացնեն Եվրոպական խորհրդի նախագահ Անտոնիո Կոստան, Եվրոպական հանձնաժողովի նախագահ Ուրսուլա ֆոն դեր Լայենը, ԵՄ դիվանագիտական ծառայության ղեկավար Կայա Կալլասը և Առևտրային քաղաքականության և տնտեսական անվտանգության հարցերով ԵՄ հանձնակատար Մարոշ Շեֆչովիչը:Ակնկալվում է, որ գագաթնաժողովի արդյունքում համաձայնություն կստացվի ռազմական ոլորտում Մեծ Բրիտանիայի և ԵՄ-ի միջև համագործակցության ամրապնդման վերաբերյալ։
Ինչպես նշում է Financial Times-ը, նոր պաշտպանական պայմանագիրը բրիտանական ընկերությունների համար հնարավորություններ կբացի մասնակցելու զենքի համատեղ գնումներին, ինչպես նաև կբարձրացնի երկու կողմերի պաշտպանական գերատեսչությունների միջև համագործակցության մակարդակը։
