Առնվազն 151 մարդ է զոհվել մայիսի 18-ին Գազայի հատվածին իսրայելական հարվածների արդյունքում, հաղորդում է քաթարական Al Jazeera հեռուստաալիքը։ Հեռուստաալիքը նշում է, որ նրանցից 70-ը զոհվել են Գազա քաղաքի և պաղեստինյան անկլավի հյուսիսում գտնվող տարածքների ռմբակոծության հետևանքով։
Իսրայելի վարչապետի գրասենյակի խորհրդական Դմիտրի Գենդելմանը կիրակի օրը ասել է, որ Իսրայելի պաշտպանության ուժերը մտել են «Գեդեոնի կառքեր» գործողության վճռական փուլը՝ Գազայի հատվածում արմատական ՀԱՄԱՍ շարժումը ջախջախելու համար:
Գենդելմանը նշել է, որ «ցամաքային ուժերն առաջ են շարժվում Գազայի հատվածի խորքերում»՝ «թիրախային հարվածներ հասցնելով ՀԱՄԱՍ-ի կառույցներին և գրավելով առանցքային դիրքեր», և որ «վերջին շաբաթվա ընթացքում ինքնաթիռները հարյուրավոր թիրախներ են խոցել՝ ոչնչացնելով պահեստներ, թունելներ, հրթիռային դիրքեր և ահաբեկիչներ»
