Պաղեստինյան ՀԱՄԱՍ խմբավորման առաջնորդներից մեկի՝ Մոհամմեդ Սինվարի մարմինը հայտնաբերվել է Գազայի հատվածի հարավային Հան Յունիսում գտնվող թունելում։ Այս մասին հաղորդում է Սաուդյան Արաբիայի «Ալ-Հադաթ» հեռուստաալիքը՝ հղում անելով իր աղբյուրներին։Սինվարի հետ միասին հայտնաբերվել են նրա տասը օգնականների մարմինները։ «Ալ-Հադաթ»-ի աղբյուրների համաձայն, իսրայելական հարվածի հետևանքով սպանվել է նաև «Ռաֆահ» բրիգադի հրամանատար Մոհամմեդ Շաբանան։ ՀԱՄԱՍ–ը չի մեկնաբանել այս հաղորդագրությունները։ Իսրայելը նույնպես դեռևս չի հաստատել Սինվարի և Շաբանի մահը։Երեքշաբթի օրը Իսրայելի պաշտպանության ուժերը հայտնել են, որ հարված են հասցրել Հան Յունիսի Եվրոպական հիվանդանոցի տակ գտնվող ՀԱՄԱՍ–ի հրամանատարական կետին։ «The Times of Israel»-ի աղբյուրների համաձայն, հարձակման թիրախը Մոհամմեդ Սինվարն էր։ Իսրայելի պաշտպանության բանակը չի մեկնաբանել այս տեղեկությունը։
Գազայի հատվածում հայտնաբերվել է ՀԱՄԱՍ-ի առաջնորդի մարմինը (լուսանկար)
18.05 16:00 |
Կատեգորիա
Համաշխարհային
