Վերամշակված միսը՝ երշիկեղենը, բեկոնը, կտրատած միսը, կարող են մեծացնել քաղցկեղի ութ տեսակի առաջացման ռիսկը։ Այս մասին El Español-ին տված հարցազրույցում խոսել է Հյուստոնի մեթոդիստական ինստիտուտի ուռուցքաբան Անաում Մաքսուդը։
«Վերամշակված միսը պարունակում է նիտրոզամիններ, որոնք հզոր քաղցկեղածին նյութեր են: Դրանք կապված են թոքերի, ուղեղի, լյարդի, երիկամների, միզապարկի, ստամոքսի, քթի խոռոչների և աղիքային ուռուցքների քաղցկեղի հետ», - ասաց Մաքսուդը:
Նա ասում է, որ հաստ աղիքի քաղցկեղի կանխարգելման կարևոր քայլը մանրաթելի՝ առողջ սննդային մանրաթելի, ընդունումը մեծացնելն է: Նա միջերկրածովյան դիետան անվանեց բանջարեղենի, մրգերի, հացահատիկների և առողջ ճարպերի վրա հիմնված՝ որպես օպտիմալ սննդակարգի մոդել։
Սակայն նշվում է, որ առողջ սննդակարգը քաղցկեղի կանխարգելման միակ արդյունավետ միջոցը չէ։ Մայո կլինիկայի ուռուցքաբան, բժիշկ Ամրիտ Սինգհի խոսքով՝ նստակյաց կենսակերպի դեպքում հաստ աղիքի քաղցկեղի զարգացման ռիսկը մեծանում է։ Ռիսկերը նվազեցնելու համար բժիշկը խորհուրդ է տալիս օրական առնվազն 30 րոպե ֆիզիկական ակտիվությամբ զբաղվել։
Թարգմանությունը՝ Euromedia24.com-ի
