Կանադայի վարչապետ Մարկ Քարնին և Ուկրաինայի նախագահ Վլադիմիր Զելենսկին քննարկել են ուկրաինական կարգավորումը և եկել են միաձայն կարծիքի, որ կայուն խաղաղության հասնելու համար Ուկրաինան պետք է մասնակցի բանակցություններին, հայտնում է Կանադայի կառավարության մամուլի ծառայությունը։
«Այսօր վարչապետ Մարկ Քարնին զրուցել է Ուկրաինայի նախագահ Վլադիմիր Զելենսկիի հետ։ Երկու առաջնորդները պայմանավորվել են, որ տեւական խաղաղության կարելի է հասնել միայն Ուկրաինայի հետ բանակցությունների սեղանի շուրջ»,- ասվում է մամուլի հաղորդագրությունում։
Կանադայի վարչապետը նշել է, որ իր երկիրը պատրաստ է աջակցել Ուկրաինային՝ կայուն խաղաղության և անվտանգության հասնելու գործում։ Առաջնորդները պայմանավորվել են պահպանել սերտ կապերը և հանդիպել հունիսին Ալբերտա նահանգի Կանանասկիս քաղաքում G7-ի 51-րդ գագաթնաժողովին:
