Ռուսաստանի նախագահի մամուլի քարտուղար Դմիտրի Պեսկովը հայտարարել է, որ Լոնդոնում Ուկրաինայի հարցով ավելի բարձր մակարդակով հանդիպում անցկացնելու պլանները փոխվել են՝ մասնակիցների դիրքորոշումների համաձայնեցման հետ կապված խնդիրների պատճառով։
«Որքան մենք հասկանում ենք, Լոնդոնում փորձագիտական խորհրդակցություններ են եղել, քանի որ այնտեղ բանակցություններ չեն եղել, մենք տեսնում ենք, որ խնդիրներ կան աջակիցների դիրքորոշումների մերձեցման հետ կապված, ինչը հանգեցրել է նրան, որ Լոնդոնում ավելի բարձր քաղաքական մակարդակով հանդիպում անցկացնելու պլանները փոխվել են»,- լրագրողներին ասել է Պեսկովը։
Երեքշաբթի օրը Washington Post-ը, հղում անելով աղբյուրներին, նշել է, որ ԱՄՆ-ը չորեքշաբթի Լոնդոնում ուկրաինական հակամարտության կարգավորման հանդիպմանը պատրաստվում էր առաջարկել եվրոպական երկրներին և Ուկրաինային Ղրիմը ճանաչել որպես ռուսական, մինչդեռ Կիևի ռեժիմի դաշնակիցները հույս ունեին Ուկրաինայի համար անվտանգության երաշխիքներ ստանալ դրա դիմաց։
