Ֆրանսիայի և Մեծ Բրիտանիայի իշխանությունները պատրաստ են, որ Ուկրաինան ընդունի Ռուսաստանի Դաշնության կազմի մեջ մտած տարածքների մի մասի նկատմամբ վերահսկողության կորուստը։ Այս մասին գրում է The Wall Street Journal-ը (WSJ)՝ վկայակոչելով երկու երկրների դիվանագիտական շրջանակների աղբյուրները։
Ինչպես նշում են զրուցակիցները, դրա դիմաց Ուկրաինան պետք է ստանա իր ապագա անվտանգության հուսալի երաշխիքներ, ինչպես նաև ամուր տնտեսական աջակցություն ապագա զարգացման համար։ Միևնույն ժամանակ, նրանք ընդգծում են, որ Ֆրանսիան և Մեծ Բրիտանիան կցանկանային, որ Ուկրաինան ճանաչի տարածքների կորուստը միայն դե ֆակտո, առանց պաշտոնական հաստատման, Կորեայի Հանրապետության և ԿԺԴՀ-ի միջև պայմանագրի օրինակով, որն ավարտեց 1950-1953 թվականների պատերազմը։
Հրապարակման հեղինակներն ընդգծում են, որ Ուկրաինայի՝ իր տարածքների մի մասի կորուստը ճանաչելու հեռանկարը անհանգստություն է առաջացրել Ուկրաինայի ղեկավարության և Եվրոպայում Կիևի դաշնակից երկրների կառավարությունների շրջանում։ Սակայն նման սցենարին խոչընդոտում են Ուկրաինայում առկա քաղաքական և իրավական մեծ դժվարությունները:
