Մեծ Բրիտանիայի, Ֆրանսիայի, Գերմանիայի և Ուկրաինայի արտաքին գործերի նախարարները հետաձգել են իրենց մասնակցությունը Ուկրաինայի հարցով չորեքշաբթի օրը նախատեսված հանդիպմանը այն բանից հետո, երբ ԱՄՆ պետքարտուղար Մարկո Ռուբիոն հրաժարվել է մեկնել Լոնդոն։ Այս մասին հայտնում է Sky News հեռուստաալիքը։
Փոխարենը, բանակցություններ կանցկացվեն հինգ երկրների պաշտոնյաների միջև, ըստ անվտանգության և պաշտպանության հեռուստաալիքի թղթակից Դեբորա Հեյնսի: Հեռուստաալիքի տվյալներով՝ սպասվում է, որ Ուկրաինայի արտգործնախարար Անդրեյ Սիբիգան դեռ կլինի Լոնդոնում, և սպասվում է, որ կհանդիպի Մեծ Բրիտանիայի արտգործնախարար Դևիդ Լամիի հետ։
Ինչպես ավելի վաղ հայտնել էր բրիտանական The Daily Telegraph թերթը, Լոնդոնում կայացած հանդիպմանը ԱՄՆ-ը պետք է ներկայացներ կարգավորման յոթ կետից բաղկացած ծրագիր, որը ներառում է ԱՄՆ-ի կողմից Ղրիմի նկատմամբ Ռուսաստանի ինքնիշխանության ճանաչումը։
Սակայն, ինչպես նշում է Հեյնսը, Վլադիմիր Զելենսկին նախօրեին մերժել է այդ հնարավորությունը։ The New York Times-ը հայտնում է, որ հենց այս հայտարարությունից հետո Ռուբիոն չեղարկել է իր ուղեւորությունը Մեծ Բրիտանիա։
