Մորաքրոջ տղայից սուրճ է խնդրել, գնացել մուրճի հետևից ու դրանով սպանել նրան, հափշտակած շղթան վաճառել 65 հազար դրամով

15.10 11:13 | Կատեգորիա Հասարակություն

ՀՀ քննչական կոմիտեի Կոտայքի մարզային քննչական վարչության Աբովյանի քննչական բաժնում քննվող քրեական վարույթի շրջանակներում իրականացված քննչական և ապացուցողական մեծածավալ և համակարգված գործողությունների արդյունքում պարզվել են Ձորաղբյուր բնակավայրի բնակչի սպանության՝ քննության համար էական նշանակություն ունեցող հանգամանքները: Այս մասին NEWS.am-ը տեղեկանում է ՔԿ-ից:

Քննությամբ, մասնավորապես, հիմնավորվել է, որ Ջրվեժ համայնքի Ձորաղբյուր բնակավայրի 42-ամյա բնակիչը, իր մորաքրոջ որդու տուն կատարած այցելությունների ընթացքում տեսնելով վերջինիս պարանոցի ոսկյա շղթան, պլանավորել է շահադիտական դրդումներով սպանել նրան և ավազակությամբ հափշտակել այն:

Իր մտադրությունն իրագործելու նպատակով 42-ամյա տղամարդը 2024 թվականի հոկտեմբերի 8-ին՝ ժամը 14:00-ի սահմաններում, այցելել է նշված ազգականին և տեսնելով, որ նա տանը միայնակ է, փայտ կոտրելու պատրվակով վերջինից կացին է խնդրել, սակայն պարզելով, որ տանը կացին չունի, որոշել է իր տանը գտնվող մուրճով սպանել:

Որպեսզի տուժողը չհասկանա իր այցելության իրական նպատակը, վերջինին խնդրել է սուրճ հյուրասիրել, որից հետո վերադարձել է իր տուն՝ հանցագործության գործիք հանդիսացող մուրճը վերցնելու և դրանով իր մտադրված հանցագործություններն ավարտին հասցնելու նպատակով:

Իր բնակության վայրից վերցնելով մուրճը և այն թաքցնելով պարկի մեջ, իսկ խոհանոցային դանակը՝ գոտկատեղում, ժամը 15:00-ի սահմաններում վերադարձել է ազգականի տուն և երբ վերջինս նստել է մահճակալին, 42-ամյա տղամարդը, պարկից աննկատ հանելով մետաղյա գլխով մուրճը, մի քանի հարված է հասցրել նրա գլխի գագաթային շրջանին և, պատճառելով կյանքի հետ անհամատեղելի՝ գանգի ներհրված կոտրվածքների ձևով վնասվածքներ՝ սպանել է նրան: Տեսնելով, որ մորաքրոջ որդին անշարժացել է, իր հետ նախապես վերցված դանակով կտրելով վերջինի պարանոցին առկա ոսկյա շղթան և հափշտակելով 36,5 սմ երկարությամբ ոսկյա շղթայի մի հատվածը՝ հեռացել է՝ հանցագործության գործիք հանդիսացող մուրճը և դանակը թողնելով դեպքի վայրում: Քննությամբ պարզվել է, որ ազգականին սպանելուց հետո 42-ամյա տղամարդը գնացել է Երևանի առևտրի կենտրոններից մեկը, որտեղ հափշտակված ոսկյա շղթայի մասը 65.000 ՀՀ դրամով վաճառել է: Ձեռք բերված բավարար փաստերի հիման վրա 42-ամյա տղամարդու նկատմամբ հանրային քրեական հետապնդում է հարուցվել է՝ ՀՀ քրեական օրենսգրքի 155-րդ հոդվածի 2-րդ մասի 10-րդ կետով և 252-րդ հոդվածի 2-րդ մասի 5-րդ կետով, և նրան ներկայացվել է մեղադրանք։ Միջնորդություն է ներկայացվել դատարան՝ վերջինիս նկատմամբ որպես խափանման միջոց կալանավորում կիրառելու վերաբերյալ, որը բավարարվել է: Նախաքննությունը շարունակվում է:

Ամենաշատ կարդացվածներ

Արամուսի դաշտում ամուսիններին սպանել են. նրանց մարմինների վրա եղել են հրազենի ու եղանի հետքեր

12.10 22:01 | Կատեգորիա Պատահարներ

Կառուսելի ընկնելու հետևանքով հիվանդանոցում հայտնված 6-ամյա երեխան մահացել է

12.10 23:38 | Կատեգորիա Պատահարներ

Ձյուն կտեղա՞. ի՞նչ եղանակ է սպասվում հոկտեմբերի 13-ից 17-ը

12.10 21:50 | Կատեգորիա Հասարակություն

Արտակարգ դեպք «Սուրբ Հովհաննես» մատուռի մոտակայքում

12.10 22:10 | Կատեգորիա Պատահարներ

Արամուսի հարակից դաշտամիջյան հատվածում հայտնաբերվել են կնոջ և տղամարդու մարմիններ

12.10 17:57 | Կատեգորիա Պատահարներ

«Ուղղակի չեք կարող պատկերացնել»․ երգչուհի Անահիտ Սիմոնյանը բողոքել է իր առողջական վիճակից

12.10 16:20 | Կատեգորիա Ժամանց

Հարյուրավոր հասցեներում գազ չի լինի՝ հոկտեմբերի 13, 14, 16, 17-ին

12.10 23:00 | Կատեգորիա Հասարակություն

Վաղը մեծ հույսով ու մեծ հավատով կլինեմ իմ հոր դատավարությանը․ Տաթև Կարապետյան

13.10 23:58 | Կատեգորիա Քաղաքական

Համատարած գնաճի ֆոնին պայթում է իշխանության խոստացած «լավ ապրելու» առասպելը. պատգամավոր

13.10 23:13 | Կատեգորիա Մտքեր

ՈՒՂԻՂ