Չինաստանը կբախվի Boeing ինքնաթիռների պահեստամասերի պակասի և սպասարկման հետ կապված խնդիրների այն բանից հետո, երբ Պեկինը արգելեց ինքնաթիռների և պահեստամասերի ներկրումն ԱՄՆ-ի հետ առևտրային պատերազմի ֆոնին, հայտնում է Bloomberg-ը՝ հղում անելով աղբյուրներին։
Նախօրեին գործակալությունը նաև գրել էր, հղում անելով աղբյուրներին, որ Չինաստանի իշխանությունները, առևտրային պատերազմի հետ կապված, իրենց ավիաընկերություններից պահանջել են դադարեցնել Boeing ինքնաթիռների ներմուծումը, ինչպես նաև ամերիկյան ընկերություններից ինքնաթիռների սարքավորումների և մասերի ցանկացած գնում։ Չինաստանի արտաքին գործերի նախարարության խոսնակ Լին Ցզյանը, մեկնաբանելով զեկույցը, ասել է, որ ծանոթ չէ իրավիճակին:
«Այն բանից հետո, երբ Չինաստանը արգելք դրեց Boeing Co.-ի ինքնաթիռների վրա՝ ի պատասխան նախագահ Դոնալդ Թրամփի սակագների, տեղական ավիաընկերություններն այժմ կանգնած են ամերիկյան արտադրողի հարյուրավոր ինքնաթիռներ վերանորոգելու և իրենց ներկայիս նավատորմում սպասարկելու մարտահրավերի առջեւ»,- գրել է գործակալությունը։
Ավիաընկերությունները և լիզինգային ընկերությունները վերջին մի քանի տարիների ընթացքում պահեստամասեր են կուտակել ինչպես արտադրողներից, այնպես էլ ավելի հին ինքնաթիռներ գնելով, և դա պետք է օգնի արդյունաբերությանը մոտ ապագայում հաղթահարել, Bloomberg-ին հայտնել են խնդրին ծանոթ մարդիկ:
