Լեհաստանի նախագահի թեկնածու «Իրավունք և արդարություն» խոշորագույն ընդդիմադիր կուսակցությունից Կարոլ Նավրոցկին խոստանում է կանխել երկրի անցումը եվրո արժույթի։
«Ես հստակ ասում եմ՝ ոչ եվրոյին: Ո՛չ եվրոյին, քանի որ լեհերը պատրաստ չեն վաստակել այնպես, ինչպես մենք այսօր վաստակում ենք Լեհաստանում և վճարել եվրոպական գներ»,- ասել է Նավրոցկին ընտրողների հետ հանդիպման ժամանակ:
Նա վստահ է, որ լեհական զլոտին ոչ միայն երկրի անկախության երաշխիքներից մեկն է, «ավելի քան հարյուրամյա ավանդույթ ունեցող արժույթ, այլ առաջին հերթին այն տալիս է մեզ տնտեսական ազատություն և հնարավորություն՝ կարգավորելու մեր տնտեսությունը այստեղ՝ Լեհաստանում, այլ ոչ թե Եվրոպայում»։
«Ես դեմ եմ Լեհաստանի մուտքին եվրոգոտի, և թույլ չեմ տա, որ եվրոն լինի Լեհաստանում, քանի որ դա վնասակար է ինչպես լեհական տնտեսության, այնպես էլ լեհ սպառողների համար»,- եզրափակել է Նարոցկին։
Լեհաստանի նախագահական ընտրությունների առաջին փուլը նշանակված է մայիսի 18-ին, երկրի ներկայիս ղեկավար Անջեյ Դուդան չի կարողանա մասնակցել այս ընտրություններին, քանի որ պաշտոնը զբաղեցնում է երկրորդ անգամ անընդմեջ։
