Բահամյան իշխանությունները հայտարարել են SpaceX Falcon 9 հրթիռների վայրէջքի ժամանակավոր արգելքի մասին երկրում, քանի դեռ չի ավարտվել շրջակա միջավայրի գնահատումը, ասել է կառավարության կապի տնօրեն Լատրե Ռահմինգը։
«Բահամյան կառավարությունը, Շրջակա միջավայրի պլանավորման և պաշտպանության դեպարտամենտի միջոցով, հայտարարել է երկրում SpaceX Falcon 9 հրթիռների բոլոր վայրէջքների կասեցման մասին՝ մինչև արձակումների ազդեցության ամբողջական հետաքննությունը:
Մինչև շրջակա միջավայրի վրա ազդեցության ամբողջական գնահատումը չավարտվի, նոր թույլտվություններ չեն տրվի», - գրել է Ռամնինգը X-ում։
Մինչ այժմ Falcon 9 հրթիռի վայրէջքները Բահամյան ջրերում եղել են առանց միջադեպերի։ Սակայն 2025 թվականի մարտին մեկ այլ SpaceX Starship հրթիռ է վթարի ենթարկվել։ Տեխասի բազայից արձակվելուց հետո այն կորցրել է կառավարումը, և դրա բեկորներն ընկել են հարավային Բահամյան կղզիներում: Միջադեպը մտահոգություն առաջացրեց տեղական իշխանությունների և հանրության շրջանում և, հավանաբար, հանգեցրեց ծովային հարթակի վայրէջքների դադարեցմանը նրանց ջրերում:
