Գազայի հատվածում Իսրայելի ռազմական գործողությունների արդյունքում վերջին 24 ժամվա ընթացքում առնվազն 23 պաղեստինցի է զոհվել։ Այս մասին հայտնում է քաթարյան Al Jazeera հեռուստաալիքը։
Նրա խոսքով՝ իսրայելցի զինվորականները հարվածներ են հասցնում պաղեստինյան անկլավի ողջ տարածքում։
Մարտի 18-ին իսրայելական բանակը վերսկսել է ռազմական գործողությունները Գազայի հատվածում՝ լայնածավալ հարվածներ հասցնելով նրա դեմ և դրանով իսկ ընդհատելով այս տարվա հունվարին հաստատված հրադադարը։
Իսրայելի վարչապետ Բենիամին Նեթանյահուի գրասենյակը դա բացատրել է ՀԱՄԱՍ-ի կողմից միջնորդների և ԱՄՆ նախագահի հատուկ բանագնաց Սթիվեն Վիտկովի կողմից բանակցությունների ընթացքում արված առաջարկների մերժմամբ՝ նշելով, որ գործողության նպատակն է ազատել Գազայում պահվող բոլոր պատանդներին։
