Ուկրաինական կարգավորման վերաբերյալ համաձայնագրի հստակ ուրվագծեր դեռ չկան, սակայն կա դրա ուղղությամբ շարժվելու քաղաքական կամք, ասել է ՌԴ նախագահի մամուլի քարտուղար Դմիտրի Պեսկովը։
Ճեպազրույցի ժամանակ Պեսկովին խնդրել են մեկնաբանել ԱՄՆ նախագահի հատուկ ներկայացուցիչ Սթիվ Վիտկովի խոսքերն այն մասին, որ Ռուսաստանի հետ գործարքը մոտենում է, և արդյոք Վաշինգտոնն ու Մոսկվան իսկապես պատրաստ են ինչ-որ համաձայնագիր ստորագրել։
«Դեռևս չկան որևէ համաձայնագրի հստակ ուրվագծեր, բայց կա քաղաքական կամք՝ շարժվելու դեպի այդ համաձայնագիրը: Եվ ևս մեկ անգամ կրկնում եմ, մենք շատ, շատ դրական ենք գնահատում տեղի ունեցած կառուցողական և բովանդակալից շփումները», - ասել է Պեսկովը։
Ավելի վաղ Ուիթքոֆը Fox News-ին տված հարցազրույցում ասել էր, որ Ռուսաստանն ու ԱՄՆ-ը ինչ-որ կարևոր բանի շեմին են։ Նրա խոսքով՝ Մոսկվայի հետ գործարքը մոտենում է, և կողմերը վերջապես փոխըմբռնման են եկել։
