Ռուս փրկարարներն ավարտել են միջազգային փրկարարական գործողությունը Մյանմայում, և ՌԴ Արտակարգ իրավիճակների նախարարության փրկարարների վերջին խումբը վերադառնում է Մոսկվա, հաղորդում է գերատեսչության Telegram ալիքը։
Մարտի վերջին 7,7 մագնիտուդ ուժգնությամբ երկրաշարժ է տեղի ունեցել Մյանմայում, ցնցումները զգացվել են հարևան հինգ երկրներում: Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը հայտնել է, որ ցնցումների հետևանքով զոհերի թիվը գերազանցել է 3600-ը, մոտ 5000-ը՝ վիրավորվել է։
«ՌԴ ԱԻՆ փրկարարների վերջին խումբը Մյանմայի Հանրապետությունից վերադառնում է Մոսկվա։ Գործակալության Իլ-76 ինքնաթիռում 50 փրկարար և բուժաշխատող կա», - ասվում է ՌԴ ԱԻՆ հաղորդագրության մեջ։
Նշվում է, որ ռուսական խմբավորումը գործում էր նահանգի առավել տուժած շրջաններից մեկում՝ Մանդալայում և նրա շրջակայքում։ Հաղորդվում է, որ այնտեղ ստեղծվել է դաշտային ճամբար և օդադեսանտային հիվանդանոց:
