Գերմանիան 500 հազար հրետանային արկ կուղարկի Կիև՝ Ուկրաինային ընդհանուր 2 միլիոն փամփուշտ տրամադրելու ԵՄ նախաձեռնության շրջանակներում։ Այս մասին լրագրողներին ասել է Գերմանիայի արտգործնախարարի պաշտոնակատար Աննալենա Բերբոքը։
«Գերմանիան կտրամադրի դրա մեկ քառորդը», -ասել է նա, երբ ժամանել էր Լյուքսեմբուրգում ԵՄ 27 երկրների արտգործնախարարների ծրագրված հանդիպմանը: Բերբոքը նաև ասել է, որ, ըստ երևույթին, սա կլինի իր վերջին ԵՄ Խորհրդի հանդիպումը Գերմանիայի արտաքին գործերի նախարարության ղեկավարի պաշտոնում։ Գերմանիան այժմ նոր կառավարություն ձևավորելու գործընթացում է։
Ապրիլի 11-ին Գերմանիայի պաշտպանության նախարարի պաշտոնակատար Բորիս Պիստորիուսը խոստացել է Կիևին առաջիկա տարիներին նոր ռազմական օգնություն տրամադրել՝ ներառյալ ևս չորս IRIS-T համակարգեր, 300 կառավարվող հրթիռներ և 100 ռադարներ։ Բացի այդ, այն կներառի 15 Leopard 1A5 տանկ, 300 հետախուզական անօդաչու թռչող սարք, 25 Marder հետևակի մարտական մեքենա, 14 հրետանի և մոտ 100,000 հրետանային արկ։
